|
Արտահանի գավառի հնամյա Վելը` անցնելով դաժան փորձությունների միջով, շարունակեց գոյատևել Ջավախքի իր նոր շեներով, որոնք 19-րդ դարի սկզբին հիմնադրվեցին կամ շենացվեցին բնօրրանից բռնագաղթաց վելցիների կողմից:
ԿԱՐՏԻԿԱՄ
Գյուղի բնակիչները 1829 թ. Արտահանի Վել գյուղից գաղթած հայ կաթոլիկներն են։ Կարտիկամը Ախալքալաքի բազմամարդ բնակչություն ունեցող գյուղերից էր, 1987թ. տվյալներով գյուղում ապրում էր շուրջ 2120 մարդ: Այսօր այդ թիվը անհամեմատ կրճատվել է սոցիալական և քաղաքական հայտնի պատճառներով: Բնակչությունը արտագաղթում է հիմնականում Ռւսաստանի Դաշնություն և Հայաստան: Գյուղում գործում է միջնակարգ դպրոց և Սբ. Աստվածածին կաթոլիկ եկեղեցին ...Читать дальше
ԽՈՒԼԳՈՒՄՈ
Ավերակ գյուղատեղին շենացրել է Արտահանի Վել գյուղից եկած 17 ընտանիք։ Գտնվում է Փարվանա գետի աջ ափին, Ախալքալաքի դիմաց։ Գյուղում գործում է լավ վիճակում պահպանված Սբ. Ստեփանոս (անվանվել է նաև Սբ. Ստանիսլավ) Հայ կաթոլիկ եկեղեցին։ 1987թ. գյուղն ուներ 1257 բնակիչ՝ 305 տուն, որի կեսից ավելին վերջին տարիներին արտագաղթել է, հիմնականում Հայաստան և Ռուսաստանի Դաշնություն։ ...Читать дальше
ԲԱՎՐԱ
Ներկայիս գյուղի բնակիչները նշված վայրում հաստատվել են 1829թ. Արտահանի Վել գյուղից։ Գտնվում է Ախալքալաքից 1կմ արևելք։ Գյուղում գործում է Սբ. Խաչ եկեղեցին՝ կառուցված 1887թ.։ Ծիսական արարողությունները, պատարագները, ինչպես և մյուս հայ կաթոլիկ գյուղերում, Տուրցխ գյուղի լեհ և հայ հոգևորականների կողմից կատարվում են հայերենով։ 1977թ. ութամյա դպրոցը վերածվել է միջնակարգի։ 1987թ. գյուղն ուներ 1387 բնակիչ։ Արտագաղթողների թիվը համեմատաբար քիչ է։ ...Читать дальше
ՏՈՒՐՑԽ
Ախալքալաքի շրջանի հյուսիսային գյուղերից է։ Նախնիները եկել են Արտահանի Վել գյուղից 1829թ. (շուրջ 20 ընտանիք), ուր հետագայում հանգրվանել են նաև էրզրումից եկած գաղթականներ, առանձին ընտանիքներ` Գորիից, Կարսից, Ռաբաթից։ 1991թ. գյուղում բնակվում էր 2550 մարդ, սակայն սոցիալ-տնտեսական ծանր վիճակի պատճառով մինչև 2001թ. բնակչության թվաքանակը նվազեց՝ հասնելով 230-ի։ Արտագաղթում են հիմնականում Ռուսաստան։ Բնակվում են նաև Ուդմուրտիայում։ ...Читать дальше
ԱՍՓԱՐԱ
Գյուղը շենացրել է 1924թ. Ախալքալաքի շրջանի Կարտիկամ գյուղից փոխադրված 36 ընտանիք։ Ասփարան գտնվում է Ախալքալաքից ուղիղ գծով 25 կմ հյուսիս-արեւելք, Նինոծմինդայից 26 կմ հյուսիս-արեւելք, Փարվանա լճի արեւմըտյան ափին, ծովի մակերևույթից 2076-2085 մ բարձրության վրա: ...Читать дальше
ՆՈՐ ԽՈՒԼԳՈՒՄՈ
Տամբովկա
Գյուղը գտնվում է Փարվանա լճի ափին։ Հիմնադրել են նույնանուն գյուղից տեղափոխված հայ կաթոլիկները՝ 1928թ.։ Գյուղում եկեղեցի չկա։ Ունի մեկ դպրոց։ Հիմնական զբաղմունքը անասնապահությունն է։ ...Читать дальше>> | 
